सुनको भाउ स्थिर

काठमाडौँ । आज नेपाली बजारमा सुनको भाउ स्थिर रहेको छ । आइतबार तोलाको ४ हजार रुपैयाँले घटेर कारोबार भएको सुनको भाउ आज स्थिर रहेको हो ।

आज छापावाला सुन तोलाको १ लाख ४१ हजारमा कारोबार भइरहेको नेपाल सुनचाँदी व्यवसायी महासंघले जनाएको छ । यस्तै तेजाबी सुन तोलाको १ लाख ४० हजार ३ सय रुपैयाँमा कारोबार भइरहेको छ ।

सोमबार चाँदीको मूल्य पनि स्थिर छ । आइतबार तोलाको १ हजार ८ सय २५ रुपैयाँ रहेको चाँदी सोमबार पनि सोही मूल्यमा कारोबार भइरहेको छ ।