काठमाडौँ । काठमाडौँको चाबहिलमा जुत्ता-चप्पल व्यापार मेला सुरु भएको छ ।
स्वदेशी कम्पनीहरूको संयुक्त आयोजनामा सुरु भएको व्यापार मेलाको नारा ‘नेपाली उत्पादनको प्रवर्द्धन हाम्रो अभियान’ रहेको छ ।
दशैंको अवसर पारेर चाबहिलको चुच्चेपाटीस्थित हायात हाई ग्राउन्डमा सञ्चालित मेला फूलपातीसम्म सञ्चालन हुने मेला संयोजक दिवाकर गिरीले जानकारी दिए ।
व्यापार मेलामा शिखर, रन, हाइलाइफ, सिल्स, बोस, स्वदेश प्राइड, आइडल, वान वर्ल्ड, भेनस, एक्ट्रा, शु ल्यान्ड, बेली, डिजे कलेक्सन र हिमानी कलेक्सन गरी १४ कम्पनीका ५० भन्दा धेरै ब्रान्डका ८ हजारभन्दा बढी डिजाइनका जुत्ता-चप्पल बिक्री तथा प्रदर्शनीमा राखिने गिरीले जानकारी दिए ।
कम्पनीहरूले हालै उत्पादन गरेका नयाँ नयाँ डिजाइनका जुत्ता चप्पल पनि बिक्री तथा प्रदर्शनीका लागि व्यापार मेलामा राखिने उनको भनाइ छ । जहाँ १५ देखि ५० प्रतिशतसम्म छुट पाइनेछ ।
