काठमाडौँ। एनसेल आजियाटा लिमिटेडले ग्राहकका लागि अनलिमिटेड भ्वाइस प्याकहरु सञ्चालनमा ल्याएको छ। प्रिपेड र पोस्पेड दुवै सेवाका ग्राहकले प्रयोग गर्न सक्ने तीन प्रकारका अनलिमिटेड टकटाइम प्याक सञ्चालनमा ल्याएको कम्पनीले जनाएको छ। यो योजना ३२ जेठदेखि सञ्चालनमा आएको हो।
आफ्नो भ्वाइस सेवाको आवश्यकता अनुसार ग्राहकले १ दिने अल–नेट अनलिमिटेड भ्वाइस प्याक, १ दिने अन–नेट अनलिमिटेड भ्वाइस प्याक वा ७ दिने समयासीमा रहेको अन–नेट अनलिमिटेड भ्वाइस प्याक लिन सक्ने कम्पनीले जनाएको छ।
कम्पनीका अनुसार १ दिने अल–नेट अनलिमिटेड प्याक अन्तर्गत ग्राहकले करसहित २५ रूपैयाँमा बिहान ५ बजेदेखि साझँ ५ बजेसम्म नेपालका कुनैपनि मोबाइल नेटवर्कका नम्बरहरुमा अनलिमिटेड भ्वाइस सेवा प्रयोग गर्न सक्ने छन्। एष्ट्रिक्स १७११८एष्ट्रिक्स१एष्ट्रिक्स५ह्यास डायल गरी यो प्याक लिन सक्ने छ।
यस्तै एष्ट्रिक्स१७११८एष्ट्रिक्स३एष्ट्रिक्स४ह्यास डायल गरी एनसेलका अन्य नम्बरहरुमा २४ घण्टासम्म अनलिमिटेड कल गर्न सकिने १ दिने अन–नेट अनलिमिटेड टकटाइम कर सहित ३० रूपैयाँमा सुचारु गर्न सकिने छ।
एनसेलका अन्य नम्बरहरुमा कुराकानी गर्नका लागि धेरै टकटाइम आवश्यक भएका ग्राहकहरुले ७ दिन समयावधि रहेको अन–नेट अनलिमिटेड प्याक लिन सक्ने जनाएको छ। यो प्याकको कर सहित १५० रुपैयाँ पर्नेछ। ग्राहकले एष्ट्रिक्स१७११८एष्ट्रिक्स४एष्ट्रिक्स३ह्यास डायल गरी यो प्याक सुचारु गर्न सक्छन्।
