जलहरीबारे सत्यतथ्य जानकारी गराउन माओवादी सांसद पौडेलको माग

काठमाडौँ। नेकपा माओवादी केन्द्रका सांसद देवेन्द्र पौडेलले पशुपति मन्दिरको जलहरीका बारेमा सत्यतथ्य जानकारी गराउन संसदबाट माग गरेका छन्।

बैठकमा बोल्दै सांसद पौडेलले अख्तियार दुरुपयोग अनुसन्धान आयोगले जलहरीमा लगाइएको सुन तौलिएको भन्दै त्यसको विवादबारे स्पष्ट जानकारी गराउन माग गरेका हुन्।

उनले कति सुन हराएको र त्यहाँको अहिलेको स्थितिको बारेमा जानकारी गराउन माग गरे।

‘कति सुन हराएको हो? कति बाँकी छ? के हो स्थिति? यो कुनै ट्रकमा ल्याएको सामग्री जोख्ने कुरा होइन। यो कुरा सत्यतथ्य सदनमा गम्भीरतापूर्वक विषय उठेका हुनाले सत्यतथ्य जानकारी गराउनको निम्ति म विशेष अनुरोध गर्न चाहन्छु,’ सांसद पौडेलले भने।