काठमाडौँ। आगामी आर्थिक वर्ष २०८०/८१ को बजेट प्रतिनिधिसभाबाट बहुमत पारित भएको छ।
बुधबार प्रतिनिधि सभाको बैठकमा मत विभाजन प्रक्रियाबाट बजेट पारित गरिएको हो। मत विभाजनमा सहभागी २५५ सांसदमध्ये बजेटको पक्षमा १४७ मत र विपक्षमा मत १०८ मत परेको छ।
नेपाली कांग्रेस, नेकपा माओवादी केन्द्र, जनता समाजवादी पार्टीले बजेटको पक्षमा मतदान गरे। त्यस्तै, नेकपा एमाले, राष्ट्रिय स्वतन्त्र पार्टी, राप्रपा, लोकतान्त्रिक समाजवादी पार्टीले भने विपक्षमा मतादान गरेका छन्।
सभामुखले ध्वनी मतको आधारमा बजेट पारित गर्ने प्रक्रिया अघि बढाउन लागेपछि एमालेले मत विभाजनको आधारमा प्रक्रिया अघि बढाउन सभामुखसग माग गरेको थियो। सोही अनुसार सभामुखले मतबिभाजन प्रकृया अघि बढाएको हो।
सरकारले गत जेठ १५ गते सरकारले आगामी आर्थिक बर्षका लागि १७ खर्ब, ५१ अर्ब ३१ करोडको बजेट संसदमा प्रस्तुत गरेको थियो।
