बुद्ध एअरको जहाज समस्या देखिएपछि पुनः काठमाडौँ फर्किएर अवतरण

काठमाडौँ। काठमाडौँबाट भद्रपुरका लागि उडेको बुद्ध एअरको जहाजमा समस्या देखिएपछि पुनः काठमाण्डौ त्रिभुवन विमानस्थलमै फर्किएर ल्याण्ड भएको छ।

६६ जना यात्रु लिएर भद्रपुरका लागि दिउँसो १ बजेर ५३ मिनेटमा उडेको (नाईन एन–एजेओ) जहाजको इन्डिकेशनमा समस्या देखिएपछि फर्काइएको विमानस्थलका प्रवक्ता टेकनाथ सिटौलाले जानकारी दिए।

विमान दुई बजेर १० मिनेटमा फर्किएको हो।