फिल्म ‘प्रोजेक्ट–के’का निर्माताले प्रभासको फर्स्ट लुक पोस्टर परिवर्तन गरे

एजेन्सी । बिहीबर फिल्म ‘प्रोजेक्ट के’बाट प्रभासको फर्स्ट लुक पोस्टर सार्वजनिक भएको थियो । सामाजिक सञ्जालमा यो पोस्टरको नकारात्मक प्रतिक्रिया आएपछि फिल्ममेकर्सले यो पोस्टर हटाएर प्रभासको लुकको नयाँ पोस्टर सेयर गरेका छन् ।

तर, नयाँ पोस्टर पुरानो भन्दा धेरै फरक छैन । फिल्ममा प्रभासको फर्स्ट लुक पोस्टरको सामाजिक सञ्जालमा निकै आलोचना भएको थियो ।

त्यसपछि निर्माताले फिल्मको फर्स्ट लुक पोस्टर हटाएर नयाँ पोस्टर सार्वजनिक गरेका छन् । यस पोस्टरमा पनि प्रभास त्यही पोजमा देखिएका छन् ।

तर, अघिल्लो पोस्टरको तुलनामा यो पोस्टर उज्यालो देखिन्छ । यससँगै अघिल्लो पोस्टरमा ब्याकग्राउन्डमा लेखिएको थियो– ‘ह्वाट इज पोजेक्ट के ?’ नयाँ पोस्टरमा यो लाइन हटाइएको छ ।