गायक स्वर्गीय जेबी टुहुरेलाई जनगायकको उपाधि प्रदान

काठमाडौँ। सरकारले गायक स्व.जेबी टुहुरे (जुठबहादुर खड्गी)लाई जनगायकको उपाधि प्रदान गर्ने निर्णय गरेको छ।

बुधवार सिंहदरबारमा बसेको मन्त्रीपरिषद्को बैठकले गायक स्व. टुहुरेलाई जनगायकको उपाधि प्रदान गर्ने निर्णय गरेको हो।

गायक टुहुरेको निधन विसं २०७८ भदौ १० गते बल्खुस्थित बयोधा अस्पतालमा उपचारका क्रममा भएको थियो।

उनको निधनको २ वर्षपछि सरकारले उपाधि दिने निर्णय गरेको हो।

टुहुरेले सयौं संख्यामा जनवादी गीत गाएका छन्। उनको ‘आमा दिदी बहिनी हो, कति बस्छौ दासी भई’ बोलको गीत निकै लोकप्रिय छ।