एजेन्सी । बलिउड अभिनेता सनी देओलले आफ्नो ६६ औं जन्मदिन मनाइरहेका छन् । अभिनेताले भर्खरै यस्तो शानदार कमब्याक गरेका छन् जुन इतिहासको सबैभन्दा शानदार कमब्याक मानिएको छ।
अभिनेताको फिल्म गदर २ ले बक्स अफिसमा हलचल मचाएको थियो । यसले सनी देओलको करियरलाई नयाँ जीवन दियो।
अभिनेताको उमेरका कयौं स्टार पनि बलिउड उद्योगको हिस्सा छन् ।
तर, सनी देओलले ६५ वर्षको उमेरमा जुन सफलता हासिल गरे, त्यो सफलता न अनिल कपुरले पाउन सके न सञ्जय दत्तले ।
सन्नी देओल केही समयदेखि धेरै फिल्ममा काम गरिरहेका थिएनन् । र, उनीसँग फिल्म गर्नेहरूले राम्रो प्रतिक्रिया पाइरहेका थिएनन् ।
तर सन्नीले पनि बलिउडको सिक्वेल ट्रेन्डलाई पछ्याउँदै सही समयमा सही फिल्मको सिक्वेल ल्याए ।
फिल्म गदर र यसका गीतहरूप्रति मानिसहरू पहिलेदेखि नै फ्यान थिए।
गदर २ ले त्यो ह्याङ्गओभरलाई अझ बढायो। यो फिल्म स्वदेशमा मात्र नभई विदेशमा पनि रिलिज भएको थियो र फिल्मले बक्स अफिसमा ५ सय करोडभन्दा बढीको कमाई गरेको थियो ।
यस फिल्ममा सनी देओल र अमिषा पटेलको जोडीलाई फ्यानले निकै मन पराए ।
योसँगै सनी देओलले यो फिल्ममार्फत धेरै कीर्तिमान पनि बनाएका छन् ।
अभिनेता ५०० करोडको आँकडा पार गर्ने फिल्मबाट सबैभन्दा जेठो अभिनेता बने।
सनी देओलले आफ्नो करियरको सुरुवातमा धेरै सुपरहिट फिल्म दिएका थिए । तर, केही समययता उनको फिल्म लगातार फ्लप हुँदै आइरहेका थिए ।
तर, यस फिल्मले उनको करिअरलाई नयाँ उचाई प्रदान गरेको छ ।
