थलापथी विजयको फिल्म ‘लियो’ ले शारुख खानको फिल्म ‘पठान’को रेकर्ड तोड्यो

एजेन्सी । थलापथी विजयको फिल्म ‘लियो’ घोषणा भएदेखि नै चर्चामा थियो । फिल्म रिलिज भएदेखि नै लोकेश कनागराज निर्देशित यो फिल्मले इतिहास रच्ने र कुनै पनि तमिल फिल्मको तुलनामा सबैभन्दा बढी ओपनिङ गर्ने फिल्म बन्ने अपेक्षा गरिएको थियो । ठ्याक्कै त्यस्तै भयो।

फिल्मले रिलिजको पहिलो दिनमै विश्वभर १०० करोडको जादुई अंक पार गरेको छ ।

थलापथी विजयको फिल्म ‘लियो’ ले पहिलो दिन सबै भाषामा प्रारम्भिक अनुमानअनुसार ६३ करोड रुपैयाँ कमाएको छ ।

कुल कमाईको आँकडा हेर्दा फिल्मले ७४ करोड कमाएको छ । बम्पर कमाई गर्दै यो फिल्मले शाहरुख खानको फिल्म पठानको रेकर्ड पनि तोडेको छ ।

‘लियो’ ले विदेशमा ६६ करोड कमाएको छ । यस अनुसार विश्वभर लोकप्रिय बनेको र इतिहास रच्दै फिल्मले १४० करोडको ग्रान्ड ओपनिङ गरेको छ ।