‘लियो’ फिल्मको दुई दिनको कमाई कति ?

एजेन्सी । साउथ सिनेमाका सुपरस्टार थलापथी विजयको हरेक दिन चर्चा हुने गर्छ । साउथका अभिनेता साउथमा मात्र नभई हिन्दी सिनेमा दर्शकमाझ पनि निकै चर्चित छन् । थलापथी विजयको फिल्म लियो गत शुक्रबार रिलिज भएको थियो । यो फिल्मले रिलिज अघि नै आफ्नो दबदबा कायम गरिसकेको थियो । विजयका फ्यानहरु फिल्मलाई लिएर निकै उत्साहित छन् । लियोको रिलिजको आज तेस्रो दिन हो ।

यो फिल्मले दुई दिनमै सय करोडको आँकडा पार गरेको छ ।

अबको ३–४ दिनमा विजयको फिल्मले २०० करोडको आँकडा सजिलै पार गर्ने अनुमान गरिएको छ ।

विजयको लियोले पहिलो दिन पठान र जेलरलाई हराएर ६८ करोडको ठूलो व्यापार गरेको थियो । रिलिजको दोस्रो दिन थालपथी विजयको फिल्मले ३५ करोड कमाएको छ । यस बाहेक शनिबार र आइतबारबाट यो फिल्मले बक्स अफिसमा व्यापक सुधार गर्ने बताइएको छ ।