एजेन्सी । सन् २००० मा रिलिज भएको फिल्म बुमबाट बलिउडमा प्रवेश गरेकी कट्रिना कैफले आफ्नो करियरमा धेरै हिट सुपरहिट फिल्म दिएकी छिन् भने उनका धेरै फिल्म फ्लप पनि भएका छन् ।
अहिले उनी नोभेम्बर १२ मा रिलिज हुन लागेको फिल्म टाइगर ३ का कारण चर्चामा छिन् ।
यो फिल्ममा उनी फेरि सलमान खानसँग जोयाको भूमिकामा देखिनेछिन् ।
टाइगर ३ लाई लिएर सामाजिक सञ्जालमा निकै चर्चा चलिरहेको छ । योसँगै उनको फिल्मले बक्स अफिसमा बम्पर कमाइ गर्ने पनि अनुमान गरिएको छ ।
यसअघि सन् २०१७ मा टाइगर जिन्दा हे रिलिज हुँदा दर्शकहरुले धेरै मन पराएका थिए र फिल्म ब्लकबस्टर भएको थियो ।
अब टाइगर ३ को चर्चाको बीचमा कट्रिना र उनले टाइगर जिन्दा हे पछि कुन कुन फिल्ममा काम गरिन् ती फिल्मले बक्स अफिसमा कस्तो कमाई गरे ?
सन् २०१७ पछि, कट्रिना पाँचवटा फिल्ममा देखा परिन्, तर उनको एउटा फिल्मबाहेक अरुले खासै राम्रो कमाई गर्न सकेनन् ।
ठग्स अफ हिन्दोस्तान (२०१८) –१५१ करोड (फ्लप)
जिरो (२०१८)ः ९० करोड (फ्लप)
भारत (२०१९)ः २११ करोड (सेमिहिट)
सुर्यवंशी (२०२१)ः १९६ करोड (सुपरहिट)
फोनबुथ (२०२२)ः १४ करोड (फ्लप)
टाइगर जिन्दा हे पछि रिलिज भएका पाँच फिल्ममध्ये कट्रिनाको एउटा मात्रै सुपरहिट छ । यस्तो अवस्थामा कट्रिनालाई पनि टाइगर ३ बाट धेरै आशा छ ।
