काठमाडौँ । लोकप्रिय गायक रूपक डोटेलको नयाँ गीत ‘मेरो माया तिम्रो लागि’सार्वजनिक भएको छ। मनि सुवेदीको प्रस्तुति तथा शब्द र साहस शाक्यको एरेन्ज रहेको गीतमा संगीत गायक डोटेल आफैले भरेका छन्। सेन्टिमेन्ट शैलीमा रहेको गीतमा प्रेमपिडा ब्यक्त गरिएको छ।
गीतमा गायकले प्रेमीकाले आफ्नो माया नबुझेको गुनासोहरू पोखेका छन्। गीतको भिडियो एक जोडी प्रेमीको प्रेम र बिछोड देखाउन खोजिएको छ। भिडियोमा गायक डोटेल आफै देखिएका छन्, भने उनलाई अभिनयमा गरिमा शर्माले साथ दिएकी छन्।
उत्तम हुमागाईँको छायाङ्कन, विकास धमलाको सम्पादन रहेको भिडियो गायक डोटेलको आफ्नै अफिसियल युट्युब च्यानलबाट सार्वजनिक गरिएको हो। भिडियोका निर्देशक निकेश खड्का हुन्। ५०० भन्दा बढी गीतमा स्वर दिइसकेका गायक डोटेल पछिल्लो समयका चलेका गायक हुन्।
गायक डोटेलका ‘बनकी चरी’,‘सानुमाया’,‘मेरो बोली सुन्दा’, ‘चोखो माया लाकै हो नि माया’लगायत थुप्रै हिट छन्। डोटेल सेन्टिमेन्टलका अलवा सेमिक्लासिक, लोक, पप र पाश्र्व गायनमा चिनिदै आएका छन्।
