एजेन्सी । प्रभास र कृति सेनन अभिनित ‘आदिपुरुष’ फिल्म मात्र होइन, यसमा धेरैको आस्था पनि जोडिएको छ । फिल्मको कथा रामायणबाट प्रेरित भएको अवस्थामा रामायणको पौराणिक कथालाई जनसाधारणसम्म पुर्याउने प्रयास भइरहेको छ ।
जुन १६ मा ओम राउतको फिल्म आदिपुरुष हलमा रिलिज हुँदैछ ।
सोही अवसरमा कार्तिकेय २ का निर्माता अभिषेक अग्रवालले आदिपुरुषको १० हजार टिकट दिने घोषणा गरेका छन् ।
अभिषेक अग्रवालले आदिपुरुष जस्ता फिल्म जीवनमा एकपटक हेर्नै पर्ने फिल्म रहेको बताए ।
अभिषेकले ट्वीटमा लेखेका छन्, ‘भगवान श्री रामप्रति मेरो भक्तिको कारण मैले तेलंगानाभरका सरकारी विद्यालय, अनाथालय र वृद्धाश्रमहरूलाई १० हजारभन्दा बढी टिकट निःशुल्क दिने निर्णय गरेको छु।’
