एजेन्सी । अजय देवगन र तब्बु स्टारर फिल्म ‘दृश्यम’ मुभिजको कोरियामा रिमेकको तयारी सुरु भएको छ । कान्स फिल्म फेस्टिभलमा यो घोषणा गरिएको हो । यससँगै दृश्यम फ्रेन्चाइजले स्वदेश तथा विदेशमा पनि पाइला टेक्ने भएको छ ।
कोरियन रिमेकमा अजयको क्यारेक्टर ‘प्यारासाइट’का संग कङ्ग होले खेल्ने छ छन् जसले ओस्कर २०२० मा उत्कृष्ट अन्तर्राष्ट्रिय फिल्मको उपाधि जितेको थियो ।
दक्षिण कोरियामा रिमेक हुने यो पहिलो भारतीय फिल्म हुनेछ । यो भारतीय फिल्म उद्योगका लागि ठूलो गौरवको कुरा हुनेछ । हिन्दीमा बनेको दृश्यम २०१३ को मलयालम फिल्म दृश्यमको रिमेक हो । दृश्यमलाई अहिलेसम्म हिन्दीमा मात्र नभई कन्नड, तेलुगु र तमिलमा पनि रिमेक गरिएको छ । अहिलेसम्म फिल्मका सबै रिमेक सफल भएका छन् ।
‘दृश्यम’ भारतीय फिल्मको रिमेक भए पनि कोरियाली दर्शकलाई ध्यानमा राखी यसमा केही परिवर्तन गरिने छ । भारतीय उत्पादन कम्पनी पानोरमा स्टुडियो र वार्नर ब्रदर्सका पूर्व स्थानीय कोरियाली प्रमुख जे चोईको एन्थोलोजी स्टुडियोले रिमेकका लागि साइन अप गरेका छन् । साथै, प्यारासाइट अभिनेता संग कंग हो र निर्देशक किम जी ऊनले कोरियाली रिमेकको लागि साझेदारी गरेका छन् ।
