एजेन्सी । युक्रेन र रुसबीच युद्ध जारी छ । पछिल्ला केही दिनमा यो युद्ध झन् खतरनाक बन्दै गएको छ । रुसी राष्ट्रपति पुटिनको घर ‘क्रेमलिन’ मा ड्रोनले आक्रमण गर्दा संयोगवश त्यसबेला पुटिन त्यहाँ उपस्थित थिएनन् ।
रुसले यस हमलाको लागि युक्रेनलाई दोष दिएको थियो र तीव्र क्षेप्यास्त्र र ड्रोन आक्रमणको साथ बदला लिएको थियो ।
अब युक्रेनका एक शीर्ष जासूस आफैंले पुटिनलाई मार्ने योजना बनाएको स्वीकार गरेका छन् ।
उनका अनुसार रुसी राष्ट्रपति पुटिन हिटलिस्टमा छन् र उनको हत्या गरेपछि मात्र युक्रेन शान्त रहने मिडिया रिपोर्टमा उल्लेख छ ।
युक्रेनको मिलिटरी इन्टेलिजेन्सका सेकेन्ड इन कमाण्ड वादिम स्किबित्स्कीले जर्मन पत्रिका ‘वेल्ट’सँगको कुराकानीमा यो खुलासा गरेका हुन् ।
स्किबिट्स्कीले युक्रेनका जासुसले पुटिनलाई मार्न खोजेको बताएका छन् ।
रिपोर्टका अनुसार यो षड्यन्त्र रुसी अधिकारीहरुलाई समेत अवगत भएको बताइएको छ ।
स्किबिट्स्की युक्रेनको मुख्य गुप्तचर एजेन्सीका सहायक पनि हुन्।
