एजेन्सी । रुस र युक्रेनबीच भएको युद्धको झण्डै १५ महिना भइसक्यो तर अहिलेसम्म कुनै समाधान फेला परेको छैन । युद्धमा दुवै देशले ठूलो जनधनको नोक्सानी बेहोरे पनि एकअर्कालाई झुक्न दुवै देश तयार छैनन् ।
राष्ट्रपति पुटिन र युक्रेनका राष्ट्रपति जेलेन्स्कीले पनि चीन र भारतजस्ता देशको आग्रहका बाबजुद शान्ति वार्ता अघि बढाउन सकेका छैनन् ।
तर, युक्रेन युद्धमा रगतको खोला बगाउने पुटिन अहिले आर्मेनिया र अजरबैजानमा लामो समयदेखि चलिरहेको रक्तपातपूर्ण द्वन्द्व अन्त्य गर्न सफल भएका छन् ।
पुटिनसहित आर्मेनिया र अजरबैजानका नेताहरूले वार्तापछि शान्तिको बाटोमा अघि बढेको दाबी गरिएको छ ।
रुसी राष्ट्रपति भ्लादिमिर पुटिनले बिहीबार छिमेकी आर्मेनिया र अजरबैजानबीच विवादित क्षेत्रलाई लिएर लडिरहेका मुख्य विवादहरूमध्ये एउटालाई समाधान गर्न ‘केवल प्राविधिक’ अवरोधहरू रहेको बताएका छन्।
बाँकी समस्या समाधान भइसकेको बताइएको छ ।
पुटिनले मस्कोमा अजरबैजानका राष्ट्रपति इल्हाम अलिएभ र आर्मेनियाका प्रधानमन्त्री निकोल पाशिन्यानसँग भेटेर लाचिन करिडोरको विवादबारे छलफल गरेका थिए।
यो आर्मेनिया र नागोर्नो–काराबाखको विवादित क्षेत्र र यस क्षेत्रका करिब १२०,००० मानिसहरूलाई आपूर्तिको लागि जीवन रेखा बीचको एक मात्र अधिकृत लिंक हो।
पुटिनले मस्कोमा आयोजना गरेको क्षेत्रीय शिखर सम्मेलनमा अलिएभ र पशिन्यान करिडोरको विषयमा दुई देशवीच विवाद भएको थियो ।
पुटिनले त्यसपछि ‘मुख्य मुद्दाहरूमा सम्झौता’ भएको बताए ।
