मणिपुर राज्यमा फेरि एकपटक हिंसा भड्कियो

एजेन्सी । मणिपुर राज्यमा फेरि एकपटक हिंसाको आगो बलेको छ । मिडिया रिपोर्टका अनुसार मणिपुरको विष्णुपुर जिल्लामा शुक्रबार राति मेइती समुदायका तीन जनाको हत्या भएको छ । यसका अलावा अज्ञात समुहहरूले धेरै घरमा आगजनी गरेका छन् ।

केही व्यक्तिले प्रहरीको मध्यवर्ती क्षेत्र नाघेर मेइती क्षेत्रमा आएर मेइती क्षेत्रमा गोली प्रहार गरेपछि कुकी समुदायका धेरै घरमा आगजनी भएको प्रहरी स्रोतले जनाएको छ ।

केन्द्रीय बलले विष्णुपुर जिल्लाको क्वाक्टा क्षेत्रबाट दुई किलोमिटरसम्म बफर जोन बनाएको र यो मध्यवर्ती क्षेत्र पार गर्दै केही व्यक्तिले मेइती क्षेत्रमा प्रवेश गरी गोली चलाएकोमा तीन जनाको मृत्यु भएको मिडिया रिपोर्टमा उल्लेख छ ।