क्यामरुनमा भयानक सडक दुर्घटना, १९ जना यात्रुको मृत्यु

एजेन्सी । क्यामरूनमा एक भयानक सडक दुर्घटनामा परी १९ जनाको मृत्यु भएको छ । यात्रु बोकेको बस ट्रकसँग ठोक्किएको मिडिया रिपोर्टमा उल्लेख छ ।

धेरै यात्रु घाइते भएको र उद्धार गरी उपचारका लागि अस्पताल लगिएको मिडिया रिपोर्टमा उल्लेख छ ।

यात्रु बोकेको बस एसेका सहर जाँदै गरेको यातायात मन्त्री जीन अर्नेस्ट मासेना न्गाले बिबेहेले बताए ।

बस चालकले नियन्त्रण गुमाएपछि विपरित दिशाबाट आएको बालुवा बोकेको ट्रकसँग ठोक्किएको बताइएको छ ।

दुर्घटनामा बसमा सवार अधिकांश यात्रुको ज्यान गएको बिबेहेले बताए ।