एजेन्सी । वर्षौंदेखि बेपत्ता रहेका अमेरिकी सैनिक अन्ततः फेला परेको मिडिया रिपोर्टमा उल्लेख छ । उत्तर कोरियाले नै बेपत्ता अमेरिकी सैनिकको ठेगाना दिएको छ ।
उत्तर कोरियाले बुधबार पहिलो पटक आधिकारिक रूपमा पुष्टि गर्दै गत महिना आफ्नो देशमा लुकेका अमेरिकी सैनिक ट्राभिस किङलाई हिरासतमा लिएको जनाएको हो ।
उत्तर कोरियाले आफ्नो प्रोपागाण्डा डिभिजनमार्फत एक विज्ञप्ति जारी गर्दै सैनिकले अमेरिकाको आलोचना गरेको बताएको छ ।
एक विज्ञले उत्तर कोरियाको घोषणालाई शत प्रतिशत यसको प्रचार भएको बताएका छन्।
उत्तर कोरियाले गत महिना कडा सुरक्षा गरिएको सीमा पार गरेर उत्तर कोरियामा प्रवेश गरेका एक अमेरिकी सैनिकले आफ्नो देशको समाजमा रहेको असमानता र आफ्नो सेनामा जातीय भेदभावबाट निराश भएर यस्तो गरेको बताएको मिडिया रिपोर्टमा उल्लेख छ।
दक्षिण कोरियामा तैनाथ रहेका ट्राभिस किङ जुलाई १८ मा सीमावर्ती गाउँको भ्रमणका क्रममा उत्तर कोरिया प्रवेश गरेका थिए ।
उनी झण्डै पाँच वर्षमा उत्तर कोरियामा हिरासतमा पर्ने पहिलो अमेरिकी बनेका छन्।
