अमेरिकामा फेरि एकपटक कोरोनाको त्रास

एजेन्सी । अमेरिकामा फेरि एकपटक कोरोनाको त्रास बढेको छ । गर्मीको अन्त्यसँगै अमेरिकामा कोरोना संक्रमितको संख्या बढेको छ । एक हप्तामा कोभिड अस्पतालमा भर्ना हुनेको संख्या १९ प्रतिशतले बढेको छ ।

योसँगै कोभिडका कारण मृत्यु हुनेमा २१ प्रतिशतभन्दा बढी वृद्धि भएको छ ।

सेन्टर फर डिजिज कन्ट्रोल एण्ड प्रिभेन्सनको पछिल्लो तथ्याङ्क अनुसार एक हप्तामा १०,००० मानिसहरू कोभिडका कारण अस्पतालमा भर्ना भएका छन् ।

बढ्दो कोभिड केसहरूलाई ध्यानमा राख्दै, केही विद्यालय, अस्पताल र व्यवसायहरूमा मानिसहरूलाई फेरि मास्क लगाउन भनिएको मिडिया रिपोर्टमा उल्लेख छ।