पाकिस्तानमा नौसेनाको हेलिकप्टर दुर्घटना, जहाजमा सवार सबै अधिकारीको मृत्यु

एजेन्सी । पाकिस्तानी नौसेनाको हेलिकप्टर दुर्घटनाग्रस्त भएको छ । उक्त दुर्घटनामा हेलिकप्टरमा सवार तीन जना अफिसरको मृत्यु भएको मिडिया रिपोर्टमा उल्लेख छ ।

पाकिस्तानी नौसेनाको यो हेलिकप्टर सोमबार ४ सेप्टेम्बरमा नियमित प्रशिक्षण उडानमा रहेको बताइएको छ ।

सोही क्रममा उक्त हेलिकप्टर दुर्घटनामा परेको थियो । जसका कारण जहाजमा सवार सबै अधिकारीको मृत्यु भएको खबर छ ।

यो घटना दक्षिणपश्चिम बलुचिस्तान प्रान्तको तटीय शहर ग्वादरमा भएको हो। दुर्घटनाबारे अनुसन्धान थालिएको अधिकारीहरुले जनाएका छन् ।