एजेन्सी । रुसी राष्ट्रपति भ्लादिमिर पुटिनसँग भेट गरेपछि बेलारुसका राष्ट्रपति अलेक्जेन्डर लुकाशेन्कोको स्वास्थ्य अचानक बिग्रिएको छ ।
हतारमा उनलाई मस्कोको अस्पतालमा भर्ना गरिएको छ ।
जहाँ उनको अवस्था चिन्ताजनक रहेको बताइएको छ ।
बेलारुसका विपक्षी नेता भ्यालेरी सेपल्कोले यो जानकारी दिएका हुन् ।
लुकासेन्कोलाई पुटिनको नजिकका नेताहरूमा गनिन्छ र उनले युक्रेनमा भएको आक्रमणलाई पनि समर्थन गरेका थिए।
भ्यालेरीले ट्वीटर मार्फत जानकारी दिँदै लुकासेन्कोले पुटिनसँग बन्द ढोका भेट गरेको बताए ।
भेटपछि उनको स्वास्थ्य अवस्था नाजुक बन्दै गएको छ ।
त्यसपछि उनलाई मस्कोको सेन्ट्रल क्लिनिकल अस्पतालमा भर्ना गरिएको छ ।
हाल, लुकासेन्को डाक्टरहरूको निगरानीमा छन्। पुटिनसँगको भेटपछि लुकासेन्कोको स्वास्थ्य अचानक बिग्रिएपछि विषाक्तताको सम्भावना पनि व्यक्त गरिएको छ ।
