एजेन्सी । इरानमा महिलाहरू हिजाब लगाउनु पर्ने आवश्यकताको विरुद्ध लामो समयदेखि लड्दै आएका छन्।
हिजाब नलगाउने आफ्नो माग पूरा गर्न ठूलो संख्यामा इरानी महिलाहरू सडकमा उत्रिए र ठूलो प्रदर्शन गरे।
इरानी महिलाहरूले सरकारी प्रशासनबाट पनि कडा कारबाही भोग्नुपरेको थियो।
आन्दोलनका क्रममा भएको कडा कारबाहीका कारण महसा नामकी महिलाको हिरासतमै मृत्यु भएको थियो । महसाको मृत्यु १६ सेप्टेम्बर २०२२ मा भएको थियो ।
यसैबीच, इरानको संसदले हिजाबलाई लिएर ठूलो निर्णय गर्दै कडा हिजाब कानून बनाएको छ।
इरानको संसदले पारित गरेको यो विधेयकले अनिवार्य हिजाब नलगाउने महिलालाई सेवा दिने प्रतिष्ठानका मालिकहरूलाई सजायको व्यवस्था गरेको छ।
यदि अपराध संगठित रुपमा भएमा, उल्लङ्घन गर्नेलाई १० वर्ष जेल सजाय हुन सक्छ।
इरानको २९० सिट भएको संसदमा १ सय ५२ सांसदले उक्त विधेयक पारित गरेको हो । यसलाई संवैधानिक पर्यवेक्षकको रूपमा काम गर्ने अभिभावक परिषद्बाट स्वीकृति चाहिन्छ।
