एजेन्स । उनको बाल्यकालको साथीले उत्तर कोरियाली तानाशाह किम जोङ उनका बारेमा ठूलो खुलासा गरेका छन् । स्विट्जरल्याण्डमा किमसँग अध्ययन गरेका जोआओ मिकाइलोले हालै एक अन्तर्वार्तामा किम जोङको छोरा छ कि छैन भन्ने शंका गरेको बताएका छन् ।
यसको कारण किम जोङ उनले जहिले पनि आफ्नी छोरीको कुरा गर्ने उनले बताए ।
किम जोङ उनको चर्चामा छोराको कतै पनि उल्लेख नभएको उनले बताए ।
हरेक कार्यक्रममा आफूसँगै देखा पर्ने एउटै छोरीबारे उनले बारम्बार चर्चा गरेको उनले बताए ।
उत्तर कोरियामा धेरै वर्षदेखि पुरुषले निरन्तर राष्ट्र प्रमुखको भूमिका निर्वाह गरिरहेको देखिए पनि अहिले यो परम्परा तोडिने क्रममा रहेको बताइएको छ ।
किम जोङ उनले आफ्नी छोरीलाई सत्ता हस्तान्तरण गर्न सक्ने अनुमान गरिएको छ ।
विगत केही दिनदेखि उनकी छोरी बुवासँग जताततै देखिएकी छिन् ।
त्यो परेड होस्, वा खतरनाक मिसाइल परीक्षण। किम जोङकी छोरीको उमेर १०–१२ वर्ष रहेको बताइएको छ । उनको नाम किम जु ए हो।
पछिल्लो पटक किम जोङ बेपत्ता हुँदा उनको स्वास्थ्य बिग्रिएको अनुमान गरिएको थियो ।
तर, पछि उनले यी सबै दावीहरूलाई अस्वीकार गर्दै पुनरागमन गरेका थिए।
उक्त पुनरागमनपछि उनले लगातार मिसाइल परीक्षण र परमाणु परीक्षण गरेका छन् ।
यी परीक्षणका कारण सबैभन्दा बढी जापान, दक्षिण कोरिया र अमेरिकाको चिन्ता बढेको छ ।
