‘हिजबुल्लाहले धेरै खतरनाक खेल खेलिरहेको छ’

एजेन्सी । इजरायल डिफेन्स फोर्स (आईडीएफ) का प्रवक्ता कर्नल जोनाथन कोनरिकसले हिजबुल्लाहले धेरै खतरनाक खेल खेलिरहेको बताएका छन।

यसको कारबाहीले लेबनानलाई युद्धमा डुबाउने जहाँबाट उसले केही हासिल गर्न नसक्ने उनले चेतावनी दिएका छन् ।

लेफ्टिनेन्ट कर्नल जोनाथन कन्रिकसले आइतबार भने, ‘के गाजाका आतंकवादीका लागि लेवनानले आफ्नो संप्रभुता खतरामा राख्ने तयारी गरेको छ ?’

कन्रिकसले भने, ‘हिजबुल्लाहले इजरायल र लेबनान बीचको उत्तरी सिमानामा इजरायलमाथि आक्रमण गरिरहेको छ र स्थितिलाई घातक बनाइरहेको छ।’

हिजबुल्लाहको गोलीबाट सर्वसाधारण र सैनिक दुबैको हताहत भएको उनले बताए । लेवनानले कुनै कदम नचाले इजरायलले कठोर निर्णय लिन बाध्य हुने उनले बताए ।