एजेन्सी । अमेरिकी राष्ट्रपति जो बाइडेनले हमासविरुद्ध आफ्नो धारणा व्यक्त गरेका छन् । उनले आतंककारी समूह हमास प्यालेस्टिनी नागरिकको पछाडि लुकेर बसेको भन्दै उनीहरु कायर भएको बताएका छन् ।
अष्ट्रेलियाका प्रधानमन्त्री एन्थोनी अल्बानीजसँगको संयुक्त पत्रकार सम्मेलनलाई सम्बोधन गर्दै राष्ट्रपति बाइडेनले इजरायलमा हमास आक्रमणको निन्दा गरेका थिए।
बाइडेनले इजरायलसँग आफ्ना जनताको नरसंहारको जवाफ दिने अधिकार र जिम्मेवारी रहेको बताए।
राष्ट्रपति बाइडेनले भने, ‘हामीले यो पनि सम्झनु आवश्यक छ कि हमासले गाजा पट्टी वा अन्य कतै प्यालेस्टिनी जनताको विशाल बहुमतको प्रतिनिधित्व गर्दैन। हमास प्यालेस्टिनी नागरिकहरूको पछाडि लुकेको छ र यो घृणित र कायरता हो।’
उनले गाजाका निर्दोष मानिसहरूलाई खाद्यान्न र अन्य आवश्यकताहरू उपलब्ध गराउन अमेरिकाको प्रयासमा सहयोग गरेकोमा इजरायल र प्यालेस्टिनीहरूलाई पनि धन्यवाद दिए।
