एजेन्सी । इजरायल र हमासबीच जारी हिंसाको एक महिनाभन्दा बढी समय भइसकेको छ। इजरायलको आक्रमणबाट गाजा पूर्ण रूपमा ध्वस्त र विनाश भएको छ।
यसैबीच संयुक्त राष्ट्रसंघमा प्यालेस्टाइनमा इजरायली बस्ती स्थापनाको विरुद्धमा महत्वपूर्ण प्रस्ताव पारित भएको छ ।
इजरायलले पूर्वी जेरुसेलम र कब्जा गरेको सिरियाली गोलान क्षेत्रलगायत प्यालेस्टिनी भूभागमा निर्माण गरिरहेको बस्तीसम्बन्धी संयुक्त राष्ट्रसंघमा नोभेम्बर ९ मा प्रस्ताव आएको थियो । भारतसहित विश्वका १४५ देशले संयुक्त राष्ट्रसंघको प्रस्तावको पक्षमा मतदान गरेर सर्वसम्मतिले इजरायलको कदमको विरोध गरेका छन् भने सात देश इजरायलको पक्षमा उभिएका छन् ।
इजरायल, मार्शल टापु, क्यानडा, हंगेरी, माइक्रोनेसियाको संघीय राज्य, नाउरु र संयुक्त राज्य अमेरिकाले प्रस्तावको पक्षमा मतदान गरे। जबकि १८ देश मतदानमा अनुपस्थित रहे ।
