एजेन्सी । अमेरिकी राष्ट्रपति जो बाइडेनकी नातिनीको सुरक्षामा ठूलो चुक भएको मिडिया रिपोर्टमा उल्लेख छ ।
अमेरिकाको राजधानी वासिङ्टनमा ३ जनाले सेक्रेट सर्भिस एसयूभीको सिसा तोड्ने प्रयास गरेका छन् ।
जसमा एकजना सुरक्षाकर्मीले आरोपितमाथि गोली चलाएका थिए ।
यद्यपी यस गोलीबारीमा कोही पनि घाइते भएका छैनन् ।
मिडिया रिपोर्टका अनुसार बाइडेनकी नातिनीको सुरक्षा गरिरहेका गोप्य सेवा एजेन्टहरूले नाओमी बाइडेनको एसयूभीमा ३ जनाले तोडफोड गर्ने प्रयास गर्दा गोली चलाएको थियो।
रिपोर्टहरूका अनुसार, गोप्य सेवाले एक बयानमा एजेन्टहरू मध्ये एकले गोली चलाएका थिए ।
त्यसपछि तीन जना रातो कारमा भागेका थिए । गोप्य सेवाले फरार व्यक्तिहरूको खोजी गर्न महानगरीय प्रहरीलाई बुलेटिन जारी गरेको जनाएको छ।
