एजेन्सी । भारतका ओबेरोय समूहका मानद अध्यक्ष पृथ्वीराज सिंह ओबेरोयको मंगलबार ९४ वर्षको उमेरमा निधन भएको छ ।
भारतमा होटल व्यवसायलाई नयाँ दिशा दिनमा पीआरएस ओबेरोयको महत्वपूर्ण योगदान रहेको मानिन्छ ।
उनले सन् २०२२ मा इआइएच लिमिटेडको कार्यकारी अध्यक्ष र इआइएच एसोसिएटेड होटल्स लिमिटेडको अध्यक्ष पदबाट राजीनामा दिएका थिए ।
सन् २००८ मा भारत सरकारले पृथ्वीराज सिंह ओबेरोयलाई भारतको दोस्रो सर्वोच्च सम्मान पद्मविभूषणले सम्मान गरेको थियो । उनले भारतमा होटल व्यवसायलाई अगाडि बढाउन र यसलाई नयाँ दिशा दिनमा योगदान पुर्याएको थिए।
उनलाई अन्तर्राष्ट्रिय लक्जरी ट्राभल मार्केटमा लाइफटाइम एचिभमेन्ट अवार्ड प्रदान गरिएको थियो।
यस बाहेक उनलाई फोर्ब्स इन्डिया लिडरशिप अवार्ड, होटल्स (म्यागजिन) युएसए बाट कर्पोरेट होटलियर अफ द वर्ल्ड अवार्ड आदिबाट पनि सम्मानित गरिएको थियो।
