गाजाको खान युनिस नजिकै आइडिएफको हवाई आक्रमण, एकै परिवारका ११ जनाको मृत्यु

एजेन्सी । इजरायल र हमासबीचको युद्धको आज ४३ औं दिन हो । इजरायलबाट गाजामा विनाशकारी आक्रमण जारी छ। हवाई हमलाका कारण गाजाका धेरै सहरका भवनहरू भग्नावशेषमा परिणत भएका छन् र ठूलो संख्यामा मानिसको मृत्यु भएको छ ।

इजरायलले आफ्नो मनसाय पहिले नै स्पष्ट गरिसकेको छ । हमास र यसका आधारहरूलाई पूर्ण रूपमा नष्ट नगरेसम्म यो युद्धको पूर्ण अन्त्य गर्ने छैन।

यसैबीच, इजरायलबाट अर्को हवाई आक्रमण भएको छ। गाजाको दक्षिणी सहरमा भएको हवाई हमलामा एकै परिवारका ११ जनाको मृत्यु भएको छ ।

यो हवाई हमला दक्षिणी गाजाको खास युनिसमा गरिएको हो । मृतकका परिवार गाजाको मुख्य सहरमा भएको आक्रमणबाट बच्न दक्षिण गाजा आएका थिए। तर, यहाँ पनि इजरायलको हवाई आक्रमणमा एकै परिवारका ११ जनाको मृत्यु भएको हो । मृत्यु हुनेमा बालबालिका र नवजात शिशु समेत रहेका छन् ।