एजेन्सी । भारतको उत्तरकाशीको सिल्क्यरा सुरुङमा १२ दिनदेखि फसेका ४१ जना मजदुरहरुको आज उद्धार हुने मिडिया रिपोर्टमा उल्लेख छ ।
अब कामदारहरूलाई जुनसुकै बेला निकाल्न सकिने बताइएको छ।
दुईवटा पाइप बिच्छ्याउन मात्रै बाँकी रहेको उद्धारमा संलग्न विज्ञहरुले बताएका छन् ।
यी पाइपहरू हिजो राति नै भित्र हाल्ने भए पनि भग्नावशेषमा रिबार देखिएपछि ड्रिलिंग मेसिनको काम रोकिएको थियो, त्यसपछि एनडीआरएफका कर्मचारीले पाइप भित्र पसेर रिबार काट्ने काम सुरु गरेका थिए ।
विज्ञहरूका अनुसार सबै कुरा ठीक भएमा केही समयपछि कामदारलाई बाहिर निकालिनेछ । बाहिर पनि सबै तयारी भइसकेको छ ।
सुरुङभित्र विद्युत्को काम हेर्दै आएका गिरिशसिंह रावतका अनुसार ड्रिलिङका क्रममा आउने रड काटेर बाँकी भागमा पाइप हाल्ने काम भइरहेको छ । अहिले मजदुर बचाउने अभियान अन्तिम चरणमा पुगेको छ । उद्धारकर्मीहरु निकै नजिक पुगिसकेको मिडिया रिपोर्टमा उल्लेख छ ।
