अमेरिकी सैन्य विमान भी २२ ओस्प्रे जापानको याकुशिमा टापुमा दुर्घटना

एजेन्सी । अमेरिकी सैन्य विमान भी २२ ओस्प्रे बुधबार जापानको याकुशिमा टापुमा दुर्घटनामा परेको छ । विमानमा चालक दलका सदस्यसहित ६ जना सवार थिए ।

यी मध्ये एक सैनिकको मृत्यु भएको पुष्टि भएको छ ।

जापानी मिडियाका अनुसार भी २२ ओस्प्रे विमानको इन्जिनमा आगलागीका कारण दुर्घटना भएको हो।

उक्त विमान याकुशिमा एयरपोर्टमा अवतरण गर्ने प्रयास गरेको बताइएको छ ।

जापानमा एस्प्रे विमान दुर्घटनाको यो दोस्रो घटना हो, यसअघि सन् २०१६ मा पनि ओकिनावाको दक्षिणी टापु नजिकै एउटा विमान दुर्घटना भएको थियो ।