एजेन्सी । इजरायलले अस्थायी युद्धविरामपछि गाजामा आक्रमणलाई तिब्र बनाएको छ । इजरायली आक्रमणका कारण गाजामा आक्रोश छ ।
इजरायली सैनिकहरू दक्षिणी गाजाको खान युनिस शहरको केन्द्रमा पुगेको र हमाससँग युद्ध भएको मिडिया रिपोर्टमा उल्लेख छ।
नजिकै सुरक्षित क्षेत्र नहुँदा पनि सर्वसाधारण यस क्षेत्रबाट पलायन हुन बाध्य भएको बताइएको छ ।
यो संघर्ष अक्टुबर ७ बाट सुरु भएको थियो ।
दुई महिनाका बीचमा प्यालेसटाइनले ठुलो क्षति भागेकोछ । आमनेसामने युद्ध लडिरहेको बेला, इजरायली वायुसेनाका विमानहरूले धेरै जनसंख्या भएको तटीय क्षेत्रमा हमासका लक्ष्यहरूलाई निशाना बनाए र भारी बमबारी गरेको बताइएको छ।
यस लडाइका कारण अस्पतालहरू मृत र घाइतेहरूले भरिएको मिडिया रिपोर्टमा उल्लेख छ।
तीमध्ये अधिकांश महिला र बालबालिका रहेका छन् ।
प्यालेस्टिनी डाक्टरहरूले अस्पतालहरूमा चिकित्सा आपूर्तिको अभाव भएको बताएका छन्।
आम नागरिक बासको खोजीमा रहेको तर सडकमै बाँच्न बाध्य भएको बताइएको छ ।
इजरायली सेनाले बुधबार ट्याङ्कसहित दक्षिणी सहरतर्फ अग्रसर भएर खान युनिस सहरलाई घेरेर फायरिङ सुरु गरेको थियो ।
