एजेन्सी । गाजामा हमास र इजरायलबीच विगत दुई महिनादेखि जारी युद्ध चलिरहेको छ । यसैबीच, गाजा स्ट्रिपमा तत्काल युद्धविरामको प्रस्ताव संयुक्त राष्ट्र सुरक्षा परिषदमा अस्वीकृत भएको छ।
अमेरिकाले इजरायलको पक्षमा आफ्नो भिटो शक्ति प्रयोग गरेको बताइएको छ।
संयुक्त राष्ट्रसंघका लागि अमेरिकी उप प्रतिनिधि रोबर्ट वुडले यो प्रस्ताव वास्तविकताबाट हटेको बताए।
उनले भने, ‘दुर्भाग्यवश हाम्रा सबै सिफारिसहरूलाई बेवास्ता गरियो। त्यही भएर उनीहरुले भिटो प्रयोग गरिरहेका छन् । यसरी अमेरिका फेरि इजरायलको ढाल बनेको छ ।’
मिडिया रिपोर्टका अनुसार अमेरिकाले शुक्रबार (स्थानीय समय) इजरायल र हमासबीच तत्काल मानवीय युद्धविरामको माग गर्दै संयुक्त राष्ट्र सुरक्षा परिषद्को प्रस्तावलाई भिटो लगाएको थियो।
प्रस्ताव संयुक्त अरब इमिरेट्स द्वारा अगाडि राखिएको थियो र ९० भन्दा बढी सदस्य राष्ट्रहरु द्वारा समर्थित थियो। संयुक्त राष्ट्र सुरक्षा परिषद्का १३ सदस्यहरूले प्रस्तावको पक्षमा मतदान गरे भने बेलायत अनुपस्थित रहेको थियो।
