इजरायली सेनाद्वारा युद्धका क्रममा ठूलो गल्ती

एजेन्सी । इजरायल र हमासबीच विगत केही दिनदेखि युद्ध चलिरहेको छ । यो युद्धका कारण हजारौं मानिसले ज्यान गुमाएका छन् ।

लाखौं मानिस घरबारविहीन छन् । सयौं मानिस बेपत्ता छन् । यसै क्रममा इजरायली सेनाले शुक्रबार ठूलो गल्ती गरेको छ ।

आफ्ना नागरिकहरूको खोजीमा रहेको सेनाले भूमिगत कारबाहीका क्रममा तीन जनाको ज्यान गएको छ।

सेनाले शत्रु ठानेर गोली हानेका तीन जना वास्तवमा इजरायली नागरिक रहेको खुलेको छ।

यसपछि सेनाले तीनै मृतकका परिवारसँग माफी मागेर आफ्नो गल्ती स्वीकार गरेको मिडिया रिपोर्टमा उल्लेख छ ।

यससँगै परिवारको सहमतिपछि मृतक तीनै जनाको बारेमा जानकारी आदान प्रदान गरिएको छ ।