एजेन्सी । ओडिशामा तीनवटा रेल एकआपसमा ठोक्किएर भएको भीषण रेल दुर्घटनामा २८८ जनाभन्दा बढीको मृत्यु भएको छ।
रेलवे ठूलै परिवर्तनबाट गुज्रिरहेको अवस्थामा यो दुर्घटनाका कारण रेलको सुरक्षा व्यवस्थामा प्रश्न उठ्न थालेको छ ।
विज्ञहरूका अनुसार ओडिशा रेल दुर्घटना २० वर्ष भन्दा बढीमा देशको सबैभन्दा घातक रेल दुर्घटना हो।
यसलाई रेलवेको कायाकल्पको योजनाका लागि पनि झट्का मानिएको छ ।
छत्तीसगढको किरोरी माल इन्स्टिच्युट अफ टेक्नोलोजीका मेकानिकल इन्जिनियरिङ विभागका प्रमुख प्रकाश कुमार सेनले भने, ‘रेलवेको सुरक्षा रेकर्ड वर्षौंमा सुधार भएको छ, तर अझै धेरै काम गर्न बाँकी छ ।’
बढ्दो माग पूरा गर्न रेलवेले धेरैभन्दा धेरै रेलहरू सञ्चालनमा ल्याइरहेको छ तर तिनको मर्मतका लागि कर्मचारी पर्याप्त तालिम नभएको वा कामको बोझ धेरै भएको रेलवे विशेषज्ञहरू बताउँछन्।
