एजेन्सी । राजस्थानमा कांग्रेसलाई ठूलो झट्का लाग्न सक्ने अनुमान गरिएको छ । पार्टीका नेता सचिन पायलटले कांग्रेस छोडेर नयाँ पार्टी घोषणा गर्न सक्ने बताइएको छ ।
मिडिया रिपोर्टका अनुसार सचिन पायलटले ११ जुनमा आफ्नो नयाँ पार्टी घोषणा गर्न सक्नेछन् ।
यससँगै उनले आन्दोलनलाई अगाडि बढाउने घोषणा पनि गर्नेछन् ।
राजस्थानमा दुई पार्टी दर्ता भएका छन् ।
यीमध्ये एउटा दलको नाम प्रगतिशील कांग्रेस र अर्को पार्टीको नाम राज जनसंघर्ष पार्टी रहेको छ ।
सचिन पायलटले यी दुई मध्ये कुनै एक नाम घोषणा गर्न सक्ने बताइएको छ।
पायलटले आफ्नो ठूलो घोषणा गर्नु अघि मन्दिरको भ्रमण गर्दैछन्।
आन्दोलनलाई अगाडि बढाउन नयाँ पार्टीको नामको रथ पनि तयार गरिएको बताइएको छ ।
जानकारी अनुसार उनले यो रथ लिएर पूरै राजस्थानको भ्रमण गर्नेछन् ।
यो रथयात्राको मार्गचित्र पनि तयार भइसकेको छ । सचिन पायलटको यात्रा मारवाडबाट सुरु हुन सक्छ ।
