एजेन्सी । उत्तर कोरियाका तानाशाह किम जोङ उनले ठूलो घोषणा गरेका छन् । उनले रुसी राष्ट्रपति भ्लादिमिर पुटिनसँग हात मिलान आफु तयार रहेको बताएका छन् । उनले आफ्नो देशलाई शक्तिशाली राष्ट्र बनाउने साझा लक्ष्यमा हिँड्ने घोषणा गरेका छन् ।
उनले रुससँग रणनीतिक सहयोग बढाउने कुरा पनि गरेका छन् ।
किम जोङ उनले रुसको राष्ट्रिय दिवसमा राष्ट्रपति पुटिनलाई पठाएको सन्देशमा युक्रेनमा आक्रमण गर्ने रुसको निर्णयको बचाउ गरेका छन् ।
किम जोङले रुसप्रति आफ्नो पूर्ण समर्थन र ऐक्यबद्धता देखाएका छन् । किम जोङ उनले भनेका छन्,‘न्यायको विजय निश्चित छ र रसियाका जनताले विजयको इतिहासमा आफ्नो महिमा थपिरहनेछन्।’
किम जोङले मस्कोसँग नजिकको रणनीतिक सहयोगका लागि आह्वान गरेका हुन्। ू
‘दुई देशका जनताको साझा भावना अनुसार म शक्तिशाली राष्ट्र निर्माणको महान् लक्ष्य पूरा गर्न रुसी राष्ट्रपतिसँग दृढताका साथ हात मिलाउँछु’, उनले भने।
