एजेन्सी । इरानले इजरायलमा मिसाइल आक्रमण सुरु गरेको छ । लेबनानमा हिजबुल्लाहविरुद्ध लगातार रुपमा हवाई र स्थलगत आक्रमण गरेपछि हिजबुल्लाहलाई साथ दिँदै आएको इरानले इजरायलमा विशाल मिसाइल प्रहार गरेको हो ।
इरानको हवाई हमलामा इजरायलको एक विद्यालय र तेल अबिबको एक रेस्टुरेन्ट ध्वस्त भएको छ । तेल अबिब र जेरुसलम लक्षित गरेको हवाई हमलाले उक्त क्षेत्रका आकाश धुँवाले भरिएको छ ।
यसैबीच इजरायलका प्रधानमन्त्री बेन्जामिन नेतन्याउले इरानले ठुलो भुल गरेको भन्दै यसको मुल्य चुकाउनुपर्ने चेतावनी दिनुभएको छ । इरानको हवाइ हमलापछि बसेको मन्त्रीपरिषदको आकस्मिक बैठकमा बोल्दै प्रधानमन्त्री नेतान्याहुले यस्तो चेतावनी दिनुभएको हो ।
यता संयुक्त राष्ट्र संघ र युरोपियन युनिएन ईयूले इजरायलले पछिल्लो समय लेबनानमा हिजबुल्लाह लक्षित गरेको आक्रमणकाबीच युद्धविरामका लागि फेरि पनि आह्वान गरेको छ । यसका लागि संयुक्त राष्ट्रसंघको सुरक्षा परिषदको बैठक आज बस्ने भएको छ ।
यता इजरायली सेनाका प्रवक्ता ड्यानियल हगारीले आफुहरु इरानविरुद्ध पनि सशक्त कारवाहीको तयारीमा रहेको जनाउँदै इरानले प्रहार गरेको मिसाइललाई इजरायल र अमेरिकाको वायु रक्षा प्रणालीले प्रभावकारी रूपमा रोक्न सफल भएको बताएका छन् । इरानले गम्भीर कदम चालेर मध्य पूर्वलाई द्वन्द्वतर्फ धकेलिरहेको आरोप पनि लगाइएको छ ।
