एजेन्सी । सिरियाका राष्ट्रपति बसर अल असद देश छाडेर भागेका छन् ।
विद्रोहीहरुले प्रमुख शहर कब्जा गर्दै राजधानी प्रवेश गरेपछि राष्ट्रपति असदले राजधानी छाडेका हुन् । विद्रोही समूहले सिरियाको राजधानी दमास्कस नियन्त्रणमा लिएका छन् । विद्रोही समूहले देशको उत्तर, पूर्व र दक्षिण तीन दिशा बाट राजधानी दमास्कस कब्जामा लिएको हो ।
अन्तर्राष्ट्रिय सञ्चार माध्यमका अनुसार राजधानी कब्जामा लिएर उनीहरुले सिरिया अब राष्ट्रपति असदबाट मुक्त भएको घोषणा गरेका हुन् । विद्रोहीहरुले राजधानी कब्जा गरेपछि असद विमान मार्फत अज्ञात स्थान तर्फ प्रस्थान गरेको बताइएको छ ।
सन् २००० देखि असाद सिरियाका राष्ट्रपतिको भूमिकामा थिए । विद्रोही समूहले नियन्त्रणमा लिए पछि दमास्कममा मानिसहरु भेला भएर खुसी मनाइरहेको दृश्य अन्र्तराष्ट्रिय सञ्चारमाध्यमले प्रशारण गरेका छन । इस्लामिक मिलिटेन्ट समूह तहिर अल सम एचटीएसले टेलिग्राम मार्फत सिरिया अन्धकार युग बाट मुक्त भएको र नयाँ अध्यायको शुुरु भएको जनाएको छ ।
नयाँ सिरियामा सबैजना शान्तिपूर्वक बस्ने र न्याय सुनिश्चित हुने उनीहरुको भनाइ छ । सन् २०११ देखिय सिरिया गृह युद्धको चपेटामा छ । एक दशक भन्दा बढी समय चलेको सिरियाली द्वन्द्वका कारण लाखौं मानिस पलायन हुन बाध्य भएका थिए ।
विद्रोहीले राजधानी कब्जा गरेको घटनालाई अमेरिका, इजरायल, टर्कीको जित र रुस तथा इरानको हारको रूपमा चित्रित गरिएको छ ।
