Techie IT
२०८० मंसीर २०, बुधबार
NepaliPatra logo
गृहपृष्ठअन्तर्राष्ट्रियकुवेतको प्रधानमन्त्रीमा शेख–अहमदलाई पुनः नियुक्त गर्न संसदलाई निर्देशन

कुवेतको प्रधानमन्त्रीमा शेख–अहमदलाई पुनः नियुक्त गर्न संसदलाई निर्देशन


एजेन्सी । कुवेतको प्रधानमन्त्रीमा शेख अहमद नवाफ अल अहमद अल–सबाहलाई पुनः नियुक्त गर्न मङ्गलबार शाही आदेश जारी गरिएको कुवेत समाचार एजेन्सी (कुना) ले जनाएको छ ।

कुवेतका युवराज शेख मिशाल अल अहमद अल–अहमद अल–जबर अल–सबाहद्वारा हस्ताक्षरित इमिरी फरमान (निर्देशन)मा भनिएको छ, “नयाँ क्याबिनेट सदस्य मनोनित गर्ने र उनीहरूको नाम बुझाउने जिम्मेवारी शेख अहमदलाई तोकिएको छ ।”

कुवेती अमिरले अघिल्लो सरकारको राजीनामा स्वीकृत गरेको करिब एक हप्तापछि जारी गरिएको यो आदेश जुन २० मा नवनिर्वाचित राष्ट्रिय सभा (संसद) को बैठक बस्नुभन्दा एक हप्ता अघि आएको हो ।

जुन ६ मा कुवेतका मतदाताले १७ औं राष्ट्रिय सभाको निर्वाचनका लागि मतदान गरेका थिए । चार वर्षका लागि नयाँ विधायिकामा २०७ जना उम्मेदवारमध्ये ५० जना निर्वाचित भएका थिए ।

गत मार्चमा संवैधानिक अदालतको फैसलापछि पुनःस्थापित भएको कुवेतको संसद् यसै वर्षको मे महिनामा शाही आदेशद्वारा विघटन गरिएको थियो । बितेका वर्षहरूमा, कुवेतको मन्त्रीपरिषद् र संसदबीचको तनावको कारण बारम्बार मन्त्रिमण्डल पुनर्गठन र संसद विघटन भएको छ ।

शेख अहमदको जन्म १९५६ मा कुवेती अमिर शेख नवाफ अल–अहमद अल–जबर अल–सबाहको जेठो छोराको रूपमा भएको थियो । उनले नोभेम्बर २०२० देखि मार्च २०२२ सम्म कुवेत नेशनल गार्डको सह कमाण्डरको रूपमा काम गरेका थिए भने जुलाई २४, २०२२ मा पहिलो पटक प्रधानमन्त्रीको रूपमा नियुक्त भएका थिए ।




ग्लोबल नेपालीपत्रमा प्रकाशित कुनै समाचारमा तपाईंको गुनासो भए हामीलाई info@nepalipatra.com मा इमेल गर्न सक्नुहुनेछ । साथै तपाई आफ्नो बिजनेश प्रवद्र्धन गर्न चाहनुहुन्छ भने sales@nepalipatra.com सम्पर्क गर्न सक्नुहुनेछ । हामीसँग तपाईं फेसबुकट्विटरमा पनि जोडिन सक्नुहुन्छ ।



तपाईको प्रतिक्रिया दिनुहोस


थप समाचार

थाइल्यान्डमा भयानक बस दुर्घटना हुँदा १४ जनाको मृत्यु, ३५ घाइते

एजेन्सी । थाइल्यान्डमा बस दुर्घटना हुँदा १४ जनाको मृत्यु भएको छ भने, २५ जना घाइते भएका छन् । दक्षिण थाइल्यान्डको

भारतको मणिपुरमा हिंसात्मक झडपमा परी १३ जनाको मृत्यु

एजेन्सी । उत्तरपूर्वी राज्य मणिपुरमा सोमबार भएको हिंसात्मक झडपमा परी १३ जनाको मृत्यु भएको स्थानीय सञ्चारमाध्यमले जनाएका छन् । इम्फालको

भारतीय वायुसेनाको विमान दुर्घटना हुँदा दुईजना पाइलटको मृत्यु

एजेन्सी । भारतीय वायुसेनाको विमान दुर्घटना हुँदा दुईजना पाइलटको मृत्यु भएको छ । दुईजना भारतीय वायुसेना (आईएएफ) पाइलटहरू सवार पिलाटस

इन्डोनेसियामा ज्वालामुखी विस्फोट हुँदा ११ जनाको मृत्यु, १२ बेपत्ता

एजेन्सी। इन्डोनेसियाको माउन्ट मारापीमा ज्वालामुखी विस्फोट हुँदा ११ पर्वतारोहीको मृत्यु भएको छ। ज्वालामुखी बिस्फोटपछि १२ जनाभन्दा बढी पर्यटक बेपत्ता भएको

इन्डोनेसियाको माउन्ट मारापीमा ज्वालामुखी विस्फोट हुँदा ११ को मृत्यु, १२…

एजेन्सी । इन्डोनेसियाको माउन्ट मारापीमा ज्वालामुखी विस्फोट हुँदा ११ पर्वतारोहीको मृत्यु र १२ जनाभन्दा बढी बेपत्ता भएको स्थानीय अधिकारीलाई उद्धृत

कोप–२८ः चर्चा हिमालका मुद्दाको, नेतृत्व नेपालको

युएई । जलवायु परिवर्तनसम्बन्धी संयुक्त राष्ट्रसङ्घीय संरचना महासन्धिको २८औँ सम्मेलन (कोप २८) संयुक्त अरब इमिरेट्सको दुबईमा यही मङ्सिर १४ गते

Techie IT