टर्कीको एक होटलमा भएको आगलागीमा मृत्यु हुनेको संख्या ७६ पुग्यो

एजेन्सी । टर्कीको एक होटलमा भएको भीषण आगालागीमा परी मृत्यु हुनेको संख्या ७६ पुगेको छ ।

टर्कीको बोलुमा रहेको स्की रिसोर्ट ग्रान्ड कार्टल होटलमा भएको आगलागीमा परी ७६ जनाको मृत्यु हुनुका साथै ५१ जना घाइते भएका छन् । १२ तले होटलको चौथो तलाको रेस्टुरेन्ट क्षेत्र बाट आगलागी शुुरु भएको प्रारम्भिक रिपोर्टले जनाएको छ ।

अन्तर्राष्ट्रिय सञ्चार माध्यमका अनुसार आगो माथिल्लो तल्लाहरूमा छिट्टै फैलिएको थियो । बोलुका अधिकारीहरुले आगलागी शुरु हुँदा होटलमा २ सय ३४ जना पाहुना रहेको बताएका छन् । दुई जनाको मृत्यु झ्याल बाट हामफालेर भएको जनाइएको छ ।

अन्यको मृत्यु धुँवामा निसास्सिएर भएको थियो ।आगलागी बाट होटल धुँवैधुँवाले भरिएको थियो । त्यसैले धेरैलाई होटल भित्रै पनि बाहिर निस्किने बाटो पहिल्याउन कठिन भएको समाचारमा उल्लेख छ ।