एजेन्सी । कसरी फैलियो कोरोना भाइरस ? यो प्राणघातक भाइरसबाट संक्रमित पहिलो व्यक्ति को थिए ? संसारभर त्रास फैलाउने यो भाइरस कहाँबाट आयो ? तीन वर्षदेखि सबैजना यी प्रश्नहरूको जवाफ खोजिरहेका छन्। अब यसको जवाफ खोज्दै गर्दा पहिलो व्यक्ति फेला परेको छ तर योसँगै एउटा खतरनाक षड्यन्त्र पनि खुलासा भएको मिडिया रिपोर्टमा उल्लेख छ ।
अमेरिकी सरकारका अधिकारीहरूले यो खतरनाक भाइरसले पहिलो पटक तीन जनालाई आफ्नो सिकार बनाएको दाबी गरेका छन्।
यी तीन व्यक्ति अरु कोही नभई चीनको वुहान ल्याबका वैज्ञानिक रहेको उनीहरुको दाबी छ ।
उनीहरूको नाम बेन यू, पिंग यू र यान सु उल्लेख गरिएको छ।
विश्वभरका वैज्ञानिकहरूले पहिले नै कोरोनाभाइरस वुहान प्रयोगशालाबाट नै उत्पत्ति भएको शंका गरेका थिए।
अमेरिकी अधिकारीहरूले एक रिपोर्टमा दावी गरेका छन्,‘ बेन यू नामका व्यक्तिले कोविड भाइरसको खतरनाक प्रयोग गरेका थिए।’
पत्रकार माइकल शेलेनबर्गर र म्याट ट्याबीले अमेरिकी अधिकारीलाई उद्धृत गर्दै आफ्नो रिपोर्ठमा यस्तो बताएका हुन् । यस रिपोर्टमा भनिएको छ कि बेन यू र उनका दुई साथीहरूले यी घातक प्रयोग गरेका थिए।
