एजेन्सी । रूसी राष्ट्रपति भ्लादिमिर पुटिनले अमेरिकी राष्ट्रपति डोनाल्ड ट्रम्पसँग कुराकानी गरेका छन ।
मध्यपूर्वमा विकसित घटनाक्रमबारे दुई नेताबीच कुराकानी भएको हो । इजरायली प्रधानमन्त्री बेन्जामिन नेतन्याहु र नयाँ निर्वाचित इरानी राष्ट्रपति मसोउद पेसेस्कियनसँग फोनवार्ताका क्रममा भएको छलफल र मध्यपूर्व संकटबारे दुई नेताले कुरा गरेका हुन् ।
अन्तर्राष्ट्रिय सञ्चार माध्यमका अनुसार द्वन्द बढ्न नदिनु र रुस सम्भावित मध्यस्थताका लागि तयार रहेको रुसले जनाएको अमेरिकाले उल्लेख गरेको छ । छलफलमा पुटिनले ट्रम्पलाई युक्रेनसँग २२ जुनपछि वार्ता जारी राख्न इच्छुक रहेको बताएका छन् ।
यो महिना पुटिन र ट्रम्पबीचको तेस्रोपटक टेलिफोन संवाद भएको हो । सन् २०२५ को शुुरुदेखि अहिलेसम्म उनीहरूबीच पाँचपटक संवाद भइसकेको छ । रूस, इजरायल र इरानसँगको वार्तापछि पुटिनले ट्रम्पसँग कुरा गरेका थिए ।
युक्रेन युद्धमा शान्ति प्रयासलाई ट्रम्पको सहभागितासँग जोड्दै पुटिनले कूटनीतिक सन्तुलन बनाउने संकेतसमेत दिएका छन् ।
