एजेन्सी । अमेरिकी राष्ट्रपति डोनाल्ड ट्रम्पले क्यानडाको सामानमा ३५ प्रतिशत करको घोषणा गरेका छन् ।
यसअघि २५ प्रतिशत करको घोषणा गरेका ट्रम्पले १ अगस्ट (आज) देखि लागू हुने गरी थप करको घोषणा गरेका हुन् । अमेरिकी राष्ट्रपति कार्यालय ह्वाइट हाउसले दर्जनौँ देशमा नयाँ करको घोषणा गरेको छ ।
अन्तर्राष्ट्रिय सञ्चार माध्यमका अनुसार यस अघि ट्रम्पले अप्रिल महिनामा नै धेरै देशको सामानमा थप करको घोषणा गरेका थिए । चर्को करको घोषणापछि विभिन्न देशले अमेरिकासँग वार्ता गर्दै राष्ट्रपति ट्रम्प यो घोषणाबाट टाढा भएका थिए । यसरी अमेरिकासँग व्यापारिक सम्झौता गर्नेमा युरोपेली युनियन र बेलायतसम्म रहेका छन ।
संसारका धेरै देशका नेताहरूले अमेरिकासँगको वार्ताको विषयमा जानकारी दिन थालेका छन । स्विजरल्यान्डकी राष्ट्रपति कारिन केजन सटरले करको विषयमा अमेरिकासँग कुनै सहमति र वार्ता नभएको बताएकी छिन ।
अप्रिल १ को स्वतन्त्रताको दिन ट्रम्पले स्वीजरल्यान्डको सामानमा ३१ प्रतिशत करको घोषणा गरेका थिए । यस विषयमा अमेरिकासँग सहमति हुने कुरामा स्वीजरल्यान्ड आशावादी रहेको राष्ट्रपतिको भनाइ छ ।
रुससँग तेल र हतियार खरिद गरेको भन्दै अमेरिकाले भारतीय समानमा २५ प्रतिशत कर लगाएको छ ।
