एजेन्सी । रुसी राष्ट्रपति भ्लादिमिर पुटिनले ठूलो खुलासा गरेका छन् । पुटिनले भने,‘युक्रेनले मार्च २०२२ मा रुससँग सम्झौता गरेको थियो जब रुसी सेना गत वर्ष सयौं ट्याङ्कहरू लिएर किभ सहरमा पुगेको थियो।’
सम्झौता अनुसार रुसी सेना किभबाट फर्किएमा युक्रेनले रुसका ती सर्तहरू स्वीकार गर्नेछ अर्थात् युक्रेनले आफ्नो सैन्य क्षमता सीमित गर्नेछ र नाटोको सदस्य बन्ने प्रयास गर्नेछैन ।
टर्कीका राष्ट्रपति एर्दोगानको पहलमा इस्तानबुलमा भएको सम्झौतामा युक्रेनको प्रतिनिधिमण्डलले पनि हस्ताक्षर गरेको हो ।
सम्झौतापछि रुसी सेना युक्रेनको राजधानी किभबाट फर्किएपछि युक्रेनले धोका दिएको र आफ्नो कुराबाट पछि रुसी राष्ट्रपतिले हटेको बताए ।
रुस–युक्रेन युद्ध अन्त्य गर्न अफ्रिकी मुलुकको प्रतिनिधिमण्डल दुवै देशको भ्रमणमा छन् ।
अफ्रिकी प्रतिनिधिमण्डलले पहिले युक्रेनका राष्ट्रपति जालेस्कीलाई भेटेको थियो र त्यसपछि राष्ट्रपति पुटिनलाई भेट्न रुस गएको थियो।
पुटिनले अफ्रिकी प्रतिनिधिमण्डललाई रुसले वार्ताबाट समस्या समाधान गर्न चाहेको तर अर्को पक्ष (युक्रेन)ले सम्झौता उल्लंघन गरेको बताए ।
पुटिनले अफ्रिकी नेताहरूलाई गत वर्ष इस्तानबुलमा भएको सम्झौताका कागजातहरू पनि देखाएको मिडिया रिपोर्टमा उल्लेख छ।
रुस र युक्रेनबीच भएको सम्झौतापछि नाटोले तत्कालीन बेलायती प्रधानमन्त्री बोरिस जोन्सनलाई किभ पठाएको र बेलायतको दबाबमा युक्रेन उक्त सम्झौताबाट पछि हटेको रुसी राष्ट्रपतिले आरोप लगाएका छन् ।
