एजेन्सी । टाइटानिकको भग्नावशेष देखाउन लगिएको पर्यटक पनडुब्बीको कुनै पत्ता लागेको छैन। यो पनडुब्बी उत्तरी एट्लान्टिक समुन्द्रमा बेपत्ता भएको थियो ।
त्यसयता गहिरो अनुसन्धान गर्दा पनि अहिलेसम्म केही पनि फेला नपरेको मिडिया रिपोर्टमा उल्लेख छ ।
क्यानाडाको एउटा जहाजले पानीमुनिबाट केही आवाज सुनेको, तर केही नदेखिएको मिडिया रिपोर्टमा उल्लेख छ ।
हालसम्म पनि नभेटिएको उक्त पनडुब्बीबारे विभिन्न अड्कलबाजीहरु गरिएको मिडिया रिपोर्टमा उल्लेख छ ।
रिपोर्टका अनुसार अब उक्त पनडुब्बीमा ९ घण्टा मात्र अक्सिजन बाँकी छ ।
पनडुब्बीमा ५ जना सवार रहेका छन् जो टाइटानिकको भग्नावशेष हेर्न उक्त पनडुब्बीबाट गएका थिए ।
क्यानेडियन कोस्ट गार्ड गाडीले लगातार यस पनडुब्बीको बारेमा पत्ता लगाउन प्रयास गरिरहेको छ। क्यानडाको कोस्ट गार्डको गाडीले समुद्र भित्रबाट केही आवाज सुनेको खबर एक दिन अगाडि आएको छ । यसले आशा जगाएको बताइएको छ । तर समाधान भने निस्किएको छैन ।
अमेरिकी कोस्ट गार्डले भनेका छन्,‘खोज टोलीले मंगलबार पानीमुनि रोबोटिक सर्च अपरेशन (आरओभी) गरेको थियो जसले विस्फोटको आवाज कहाँबाट आयो भनेर पत्ता लगाउने प्रयास गरेको थियो। तर, कुनै फाइदा भएन । सोही समयमा, तटरक्षक बलले यसबारे कुनै विशेष जानकारी दिएको छैन।’
उत्तरी एट्लान्टिक महासागरको ३०० माइलमा अनुगमन भइरहेको बताइएको छ ।
अब एक सेकेण्ड ढिलाइले पर्यटकको ज्यान गुम्ने खतरा बढ्दै गएको बताइएको छ ।
१० घण्टाभन्दा कम अक्सिजन बाँकी रहेको अवस्थामा खोजतलासलाई तीव्रता दिइएको बताइएको छ ।
