चीनको एक रेष्टुरेन्टमा विष्फोट हुँदा ३१ जनाको मृत्यु

एजेन्सी । चीनको एक रेष्टुरेन्टमा विष्फोट हुँदा ३१ जनाको मृत्यु भएको छ । यो घटना यिनचुआन सहरको रहेको बताइएको छ जहाँ रेस्टुरेन्टमा राति भएको विष्फोटमा ३१ जनाको मृत्यु भएको हो ।

विस्फोटको कारण ग्यास चुहावट भएको बताइएको छ ।

घटनाको जानकारी दिँदै चिनियाँ सञ्चारमाध्यम सिन्ह्वाले रेस्टुरेन्टमा अचानक ग्यास लिकेज भएको र ठूलो विस्फोट भएको जनाएको छ ।

यस घटनामा ७ जना घाइते भएको मिडिया रिपोर्टमा उल्लेख छ ।

उनीहरुलाई उद्धार गरी अस्पतालमा भर्ना गरिएको बताइएको छ ।