एजेन्सी । रुस–युक्रेन युद्ध अझै जारी छ । तर, यसैबीच मस्कोमा लागि ठूलो समस्या खडा भएको छ । रुसमा नै ठूलो विद्रोह भएको मिडिया रिपोर्टमा उल्लेख छ ।
वाग्नर समूहले रूसी सेनामाथि आक्रमण गरेको बताइएको छ ।
कुनै समय यो समूह रूसको शक्ति थियो।
वाग्नर समूहका ३० हजार लडाकुहरू रुसविरुद्ध विद्रोह गरेका छन् ।
वाग्नर प्रमुखले रुसविरुद्ध युद्धको घोषणा गरेका छन् । मस्को आउने राजमार्ग बन्द गरिएको छ।
रुसी सेनाको दोस्रो हेलिकप्टर पनि खसालिएको वाग्नरको दाबी छ । रोस्तोभका गभर्नरले जनतालाई घरबाहिर ननिस्कन अपिल गरेका छन् ।
रुसी राष्ट्रपति युक्रेनमा जितको आशा लिएर बसेका थिए । तर, हाल सत्ता विद्रोहको खतरा बढेको छ । क्रेमलिनको सुरक्षा गर्न ट्याङ्कहरू तैनाथ गरिएको छ।
मस्कोका सडकहरू ट्याङ्क र सशस्त्र गाडीहरूले भरिएका छन्। पुटिनले रुसको निजी सेना नै उनको कूको कारण हुनसक्ने महसुस गरेका छन् ।
द सनको रिपोर्टमा यो मामिला युक्रेनको बाख्मुतसँग सम्बन्धित रहेको बताइएको छ ।
बाख्मुतमा वाग्नर प्रशिक्षण शिविर थियो। हालै त्यसमा मिसाइल आक्रमण भएको थियो । वाग्नर समूहका प्रमुख येभगेनी प्रिगोजिनले यसमा क्रेमलिनको हात रहेको विश्वास गर्छन्। यसपछि उनले मस्कोलाई नष्ट गर्ने वाचा गरेका हुन्।
